КЭНТИКСКАЯ СЕЛЬСКАЯ МОДЕЛЬНАЯ БИБЛИОТЕКА

Улуу Кыайыы 77 сылын көрсө

Бүгүн Кэнтик нэһилиэгэр өрөгөйдөөх Улуу Кыайыы 77 сылын көрсө нэһилиэкпит киин уулуссатынан уонна Кэнтик нэһилиэгэр төрөөбүт, быйыл үбүлүөйдээх 110 сааһын туолар, тумус туттар киһибит Герой Советского Союза Алексей Афанасьевич Миронов уулуссатынан Кыайыы скверигэр диэри параадтаан кэллибит. Кэнтик нэһилиэгин тэрилтэлэрин коллектива, буойун суруйааччы Никифор Кирикович Седальищев-Дүөгэ Ааныстыырап аатын сүгэр оскуола үөрэнээччилэрэ, “Сайыына” оҕо уһуйаанын иитиллээччилэрэ, үлэһиттэр, олохтоохтор бары биир сомоҕо буолан байыаннай таҥастаах, сэриигэ кыттыбыт эһээлэрин, эбээлэрин чиэстээн, мэтириэттэрин тутан «Бессметрный полк» акцияҕа кыттыстылар.
Уоттаах сэриигэ олохторун толук уурбут, кыайыыны уһансыбыт ветераннар, кыайыы туһугар күнү-дьылы аахсыбакка түүннэри-күнүстэри сылайары билбэккэ тыылга үлэлээбит дьоммут сырдык ааттарын кэриэстээн биир мүнүүтэ сүгүрүйүү буолла. «Саллаат миинэ» хонуу куухуната үлэлээтэ.
Аҕа баһылыкпыт Валерий Валерьевич Николаев тыыл бэтэрээннэрин чиэстээн
Хамарова Марфа Дмитриевнаҕа, Николаев Фёдор Лазаревичка, Чочохова Евдокия Прокопьевнаҕа, Намына Вера Алексеевнаҕа Улуу Кыайыыннан подарок туттартаата.
Тэрээһин төһө да ардахтаах, тыаллаах күн буолтун иһин, олус долгутуулаахтык, үрдүк таһымнаахтык ааста.