КЭНТИКСКАЯ СЕЛЬСКАЯ МОДЕЛЬНАЯ БИБЛИОТЕКА

Бэҕэһээ Кэнтик нэһилиэгэр «Мин сааһым – мин баайым” диэн аан дойдутааҕы кырдьаҕастар күннэригэр аналлаах дьоро киэһэни тэрийэн ыыттылар.

 Минньигэс астаах остуол маанытын тардан, нэһилиэк тэбэр сүрэҕэр – кулууп дьиэтигэр, аҕам саастаахтары, ытык кырдьаҕастары маанылаатылар. Нэһилиэк баһылыга Валерий Николаев уонна тэрилтэлэр салайааччылара ытыктанар кырдьаҕастарбытыгар төрөөбүт дойдуларын сайдыытын туһугар киллэрсибит сүҥкэн кылааттарын, дойду, норуот туһугар албан ааттаах, бэриниилээх үлэлэрин сыаналыылларын биллэрэн, истиҥ махтал уонна биһирэбил тылларын анаатылар.

Бэлиэ күн үҥкүү-битии, ырыа-тойук аргыстаах ааста.

Күндү дьоммутугар, эһээлэрбитигэр, эбээлэрбитигэр Аҕам саастаахтар күннэринэн эҕэрдэлиибит! Чугас дьоҥҥут сылаас, сымнаҕас сыһыаннарынан угуттанан, дууһа кырдьара диэни билиммэккэ, уһун, дьоллоох олоҕу олороргутугар баҕарабыт!

Майя Ушницкая