КЭНТИКСКАЯ СЕЛЬСКАЯ МОДЕЛЬНАЯ БИБЛИОТЕКА

Академик Н.Г.Соломонов аатынан сайыҥҥы научно-исследовательскай школа 5-сыллаҕы юбилейнай тэрээһинигэр

Муус устар 5 күнүгэр Хаҥалас улууһун Өктөм нэһилиэгэр Михаил Ефимович Николаев киинигэр улахан тэрээһин буолан ааста. Академик Н.Г.Соломонов аатынан сайыҥҥы научно-исследовательскай школа 5-сыллаҕы юбилейнай тэрээһиҥҥэ ыҥырыылаах ыалдьыт буолан кэллибит. Бу научно исследовательскай школа 2019 сылтан саҕалаан Саха Өрөспүүбүлүкэтин Наукатын академиятын Научнай үөрэҕириитин салалтатын Ю.И. Семенов салайааччы көҕүлээһининэн академик Н.Г. Соломонов сайыҥҥы научнай чинчийэр оҕолор экспедицияларын үлэтин саҕалаабыт. 2029 сылга 9 оскуола экспедицията холбоһон тэриллибит, онтон 2023 сыл түмүгүнэн 27 оскуола экспедицията тэриллэн үлэлии сылдьар. Бу тэрээһиҥҥэ туох баар экспедицияны салайбыт бары учууталлар, библиотекарьдар, директордар, 68 учуонайы араас наҕарааданан, грамотанан, махтал суруктарынан бэлиэтээтилэр.
Ону таһынан бу улахан тэрээһиҥҥэ экспедициялар биэс сыллаах үбүлүөйдээҕи альбомун сүрэхтэниитэ буолан ааста.Альбомҥа экспедициялар салайааччыларын, научнай салайааччыларын, хас биирдии 27 оскуола экспедициятын хаартыскалара, экспедиция түмүгүнэн тахсыбыт оҕолор үрдүк ситиһиилэрэ тиһиллэн киирбиттэр, ол иһигэр биһиги Кэнтикпит оҕолоро киирдилэр.
Экпедициябыт экспонаттарынан Н.К.Седалищев-Дьүөгэ Ааныстыыров аатынан Кэнтик орто оскоулатын оҕолоро ситиһиилэрэ үгүс, холобур быйыл Москва куоракка баран муус устар ыйга 8 кылаас үөрэнээччитэ Прокопьев Павел баран кэллэ “Обретенная поколение”диэннэ, “Следы металлургии” проет кэпсээн лауреат 2 степени буолла.
Бу экспедициябытын бастакы сылбытыгар Кэнтик нэһилиэгин библиотеката уонна Наталия Федоровна Будищева нуучча тылын учуутала көҕүлээн тэрийбиппит, онтон иккис үһүс сылбытыгар куораттан научнай сотрудниктары ыҥыран Колесов Станислав Дмитриевич-научный сотрудник отдела по изучению мамонтовой фауны Академии наук РС (Я), Николаев Егор Николаевич-младший научный сотрудник, ИГИ и ПМНС СОРАН үлэлэһэн барбыттара, ону тэҥэ Чап уус түмэлэ, Тумус Мэхээлэ, булчуттар, уустар, учууталлар үлэлэһэ сылдьаллар.
Саха ыччата сырдыкка, үтүөҕэ тардыһыылаах, төрөөбүт дойдутун таптыыр, өбүгэтин үгэһин, култууратын, тылын-өһүн, өйүгэр-санаатыгар иҥэрэн үгүс сыраларын ууран ааспыт өбүгэлэрбит сырдык ааттара саҥаттан саҥа көлүөнэҕэ ахтылла, ааттана туруоҕа диэн 2021-2022-2023 сылтан ылсан Үөһээ Бүлүү Кэнтик нэһилиэгин Тоҥуо үрэх кытыыларынан түөлбэлээн олорбут дьоммут-сэргэбит олохторун-дьаһахтарын үөрэтиигэ бырайыакпыт чэрчитинэн үлэлиибит. Сайдыылаах үйэ биир үтүө өрүтүн туһанан нэһилиэкпит историятын үөрэтэргэ-чинчийэргэ дьулуһабыт..